Cyrihu do të fillojë programin e “kontrolluar” të shpërndarjes së kanabisit

Duke filluar në vjeshtën e vitit 2022, qyteti i Cyrihut do të nisë një projekt prove për të vlerësuar mënyrën më të mirë për të menaxhuar konsumin e marihuanës, njoftuan autoritetet komunale, transmeton albinfo.ch.

Studimi i titulluar “Zurich Can: Cannabis with Responsibility” do të udhëhiqet nga Klinika Psikiatrike Universitare dhe një nga qëllimet e tij do të jetë “ruajtja e sigurisë publike dhe forcimi i mbrojtjes së të rinjve”.

“Në studim ofrohen produkte të ndryshme të kanabisit, secila me një përmbajtje të ndryshme THC / CBD. Kjo bën të mundur kalimin në produkte me rrezik më të ulët gjatë periudhës së studimit”, thanë zyrtarët e këtij qyteti.