Ëmbla shoqërohet në shkollë nga presidenti i Maqedonisë

Presidenti maqedonas, Stevo Pendarovski ka dhënë sot një shembull model i cili ndikon direkt në jetën e personave me aftësi ndryshe, njofton Albinfo.ch.

Ai ka shoqëruar për në shkollë Ëmblën nga Gostivari, historia e dhmbshme e së cilës u bë publike ditë më parë, kur prindër dhe stafi i shkollës në Gostivar ia mohuan nisjen e vitit shkollor vetëm pse ajo ishte me Sindromën Down.

“Me prindërit e Ëmblës ka biseduar për sfidat me të cilat ajo dhe familja e saj përballen në baza ditore, duke u përqëndruar në mundësinë e tejkalimit të tyre. Pendarovski i inkurajon dhe mbështet prindërit në luftën për mbrojtjen e të drejtave të fëmijëve me zhvillim atipik dhe e përshëndet reagimin e shpejtë të Avokatit të Popullit dhe Vendimin e Komisionit për parandalim të diskriminimi që të hapë procedurë për rastin me Ëmblën. Presidenti potencoi rëndësinë e zbatim të dispozitave ligjore për gjithëpërfshirje në arsim, duke potencuar përgjegjësinë sociale veçanërisht ndaj grupeve të prekura”, thuhet mes tjerash në njoftimin e kabinetit të Pendarovskit.

---