Dua Lipa “Artistja më e mirë Pop/R&B”

Dje u bë ndarja e çmimeve të muzikës në Mbretërinë e Bashkuar, Brit Awards 2022. Yje të shumtë britanikë kanë marrë pjesë dhe janë nderuar me çmime për arritjet vjetore në muzikë.

Këngëtarja shqiptare, Dua Lipa, ka qenë e nominuar për dy çmime, derisa ka triumfuar si artistja më e mirë Pop/R&B.

26-vjeçarja la pas vetes yje të mëdhenj, si: Ed Sheeran, Adele, Grif dhe Joy Crookes.

Dua nuk ka mundur të jetë prezente në “The O2 Arena” të Londrës për të tërhequr fizikisht çmimin, teksa i ka përshëndetur me një video-mesazh nga larg publikun.

Artistja, e cila gjendet në SHBA, ku shumë shpejt pritet të fillojë turneu i saj nëpër shtetin e Amerikës, ka ndarë lajmin në Instagram:

“Wowowow!! AKTI MË I MIRË POP @brits !!!! Faleminderit shumë të gjithëve që votuan!!! Edhe pse të gjithë do të donim të ishim në Londër duke festuar kështu me ju – ne kemi bërë prova që të mund të organizojmë një shfaqje të jashtëzakonshme për të gjithë ju!!“, ka shkruar Lipa.