Tesla rrezikon dënim nën akuzat për diskriminim racor

Por krijesa e Elon Musk rrezikon të humbë luftën kundër diskriminimit racor, diçka që mund t’i kushtojë shtrenjtë imazhit të tij në botë.

Tesla e fitoi betejën e saj teknologjike, duke kryer revolucion në ndërtimin e mjeteve elektronike, që e kanë shndërruar tani në industrinë automobilistike më me vlerë në botë.

Departamenti i Punësimit të shtetit të Kalifornisë, pas qindra denoncime, ka vendosur të denoncojë gjigantin amerikan për shkak të masave aspak të forta të ndërmarra për të parandaluar këto episode, raporton Cnn, përcjell Albinfo.ch.

Disa punëtorë të fabrikës tregojnë që batutat me sfond racial ishin përditshmëria aty, të shoqëruar nga simbole të ndryshme si svastika, që ishin protagonistë në tualetet.

Tesla është makina më e shitur në Europë.

Sipas denoncimit, punëtorët me ngjyrë u jepeshin gjithmonë punët me të ulëta, që shpërbleheshin më pak.

Kompania e Musk ka mohuar një akuzë të tillë, duke cilësuar padinë si një gabim, por kjo nuk është hera e parë, janë 4 paditë me akuzën e racizmit, si dhe një padi personale ndaj një personi me ngjyrë që punonte pikërisht në fabrikën në Freemont, dhe që kërkon, i vetëm, 137 milionë dollarë.

 

---