Rënia e natalitetit, shqetësim për shqiptarët!

Numri i lindjeve shënoi rënie me 2.8 % gjatë vitit 2021.

INSTAT publikoi raportin mbi treguesit demografikë, sipas të cilit gjatë vitit 2021 lindën 27.284 foshnja, duke shënuar një rënie me 2,8 %, krahasuar me një vit më parë, përcjell Albinfo.ch.

Ndërkohë, numri i vdekjeve gjatë vitit 2021 shënoi rritje me 10.8 %, Në total humbën jetën 30.580 persona.

Shtesa natyrore e popullsisë në vitin 2021 ishte 3296 vdekje më shumë sesa lindje.
Shqipëria është karakterizuar nga shtesë natyrore pozitive ndër vite. Shtesa natyrore negative për vitin 2021 është ndikuar edhe nga situata e pandemisë COVID-19.

Gjatë vitit 2021 sipas Atsh, katër qarqe të vendit shënuan shtesë natyrore pozitive të popullsisë, ndërsa në tetë qarqet e tjera shtesa natyrore e popullsisë ishte negative.

Referuar INSTAT-it, gjatë vitit 2021, qarku me shtesën natyrore më të lartë është Tirana, me 1642 lindje më shumë sesa vdekje, ndërsa qarku me shtesën natyrore më të ulët është Vlora, me 1222 vdekje më shumë sesa lindje.

---