Shumë pak udhëtarë zviceranë kompensojnë ndotjen e ajrit

(KEYSTONE/Christian Beutler)

Vetëm 4 për qind e udhëtimit ajror në Zvicër i nënshtrohet kompensimit klimatik nëpërmjet një suplementi në çmimin e biletës, por pasagjerët nuk janë të gatshëm të kompensojnë emetimet e tyre të gazeve serrë, sipas një studimi të ri nga Berna, përcjell albinfo.ch.

Kur njerëzit në Zvicër blejnë bileta avioni në internet, ata kanë një mundësi për të shtuar disa franga për të kompensuar emetimet që gjenerojnë gjatë fluturimit.

Megjithatë, rezultatet e studimit tregojnë se “është mjaft e pamjaftueshme të mbështetemi në masa vullnetare për të arritur objektivat e mbrojtjes së klimës”, tha Sebastian Berger, bashkautor i këtij studimi të kryer në Institutin e Sociologjisë të Universitetit të Bernës.

Këto rezultate, që konsiderohen “jo vërtet befasuese”, tregojnë se “investimet në mbrojtjen e klimës vihen në veprim vetëm nëse mund të jemi të sigurt se të gjithë marrin pjesë”, vuri në dukje Berger. /Albinfo.ch