Shkalla e imigracionit në Zvicër mbeti e qëndrueshme më 2021

(KEYSTONE/Ti-Press/Francesca Agosta)

Imigrimi ishte praktikisht i qëndrueshëm vitin e kaluar në Zvicër krahasuar me vitin 2020. Imigrimi total u rrit me 3.3 për qind, sipas Sekretariatit Shtetëror për Migracionin (SEM), njofton albinfo.ch.

Në fund të vitit 2021, 1,45 milionë qytetarë të BE/EFTA dhe 738,204 shtetas të vendeve të treta banonin në Zvicër. Italianët përbënin popullsinë më të madhe të huaj, me 331,379 banorë të përhershëm. Ata u pasuan nga gjermanët (313.702 persona), portugezët (258.943 persona) dhe francezët (151.551 persona).

Sa i përket natyralizimit, 36,917 të huaj kanë marrë nënshtetësinë zvicerane në vitin 2021, duke përfshirë 7,947 gjermanë, 4,207 italianë dhe 3,152 francezë. /Albinfo.ch