Kantonet zvicerane i vijnë në ndihmë Ukrainës

EPA/MARTIN DIVISEK

Banorët e disa kantoneve po përgatiten të dërgojnë mallra thelbësore për ukrainasit që kërkojnë strehim në kufirin polak.

“Qëllimi ynë është që të jemi në vend me ndihma sa më shpejt të jetë e mundur”, tha Jörg Köhler, kreu i Zyrës për Mbrojtjen Ushtarake dhe Civile të kantonit të St. Gallen, i cili do të dërgojë batanije, dyshekë dhe materiale të tjera në kufi.

Në rajonin e Bazelit vullnetarët po ngarkojnë tri automjete me ndihma. “Njerëzit po vdesin praktikisht në pragun tonë. Duhet të ndihmojmë”, sqaruan ata, shkruajnë mediat zvicerane, përcjell albinfo.ch.

Edhe në Bernë vullnetarët po mbledhin gjërat e nevojshme në një përpjekje të koordinuar së bashku me Ambasadën e Ukrainës. “Ne presim të jemi në kufi për 15 deri në 20 orë dhe t’ua dorëzojmë mallrat ndihmësve vendasve, të cilët do të sigurojnë transportin e mëtejshëm në Ukrainë.

Aktualisht kërkohen materiale mjekësore, ushqim për fëmijë, artikuj higjienike dhe pelena. Por bankat e energjisë dhe elektrik dore janë gjithashtu të nevojshme për shkak të ndërprerjeve të shumta të energjisë.