Rusia vendos Zvicrën në listën e “vendeve armiqësore”

Në listë përfshihen edhe SHBA, Kanadaja, të gjitha vendet e BE-së dhe Britania e Madhe, Shqipëria etj.

Qeveria e Rusisë ka miratuar një listë të shteteve që kanë kryer “akte jomiqësore” kundër Rusisë, qytetarëve dhe kompanive të saj, sipas agjencisë së lajmeve Tass. Në këtë listë është edhe Zvicra. Arsyeja sigurisht qëndron te sanksionet ndaj Rusisë, që po i zbaton edhe Zvicra.

Në listë përfshihen edhe SHBA, Kanadaja, të gjitha vendet e BE-së dhe Britania e Madhe (duke përfshirë Jersey Island dhe Territoret Jashtë të Anguilla, Ishujt e Virgjër Britanikë, Gjibraltar), transmeton albinfo.ch.

Agjencia e lajmeve Interfax shkruan: “Të gjitha bizneset dhe transaksionet e kompanive ruse me qytetarë dhe kompani nga vende që nuk janë miqësore me Rusinë përfshihen tani nga komisioni qeveritar për mbikëqyrjen e investimeve të huaja”.

Veç vendeve të përmendura më lart, në këtë istë janë edhe: Shqipëria, Andorra, Australia,  Islanda, Japonia, Lihtenshtajni, Mikronezia, Monako, Mali i Zi, Zelanda e Re, Norvegjia, Republika e Koresë, San Marino, Singapor, Tajvani dhe Ukraina.

Kosova sigurisht nuk është në listë për faktin se nuk njihet si shtet nga Rusia.

---