Qendra e IT e SWIFT në Thurgau, nën mbrojtjen e policisë

Erich Westendarp

Sanksionet ndërkombëtare (përfshirë zviceranët) kanë ndaluar disa banka ruse nga rrjeti ndërkombëtar i pagesave SWIFT, që do të thotë se ato nuk do të jenë më në gjendje të përdorin ndërfaqen financiare për të transferuar para, përcjell albinfo.ch.

Qendra kompjuterike e rrjetit global ndërbankar SWIFT në Diessenhofen, në kantonin Thurgau, është vendosur nën masa të rrepta sigurie për të mbrojtur objektin nga rreziku i sabotimit nga Rusia.

“Për arsye të dukshme, ne nuk japim detaje mbi këtë temë”, tha policia kantonale për agjencinë e lajmeve Keystone-ATS.

Qendra informatike Diessenhofen është një nga tri qendrat e operuara nga SWIFT në mbarë botën. Dy të tjerët janë në Shtetet e Bashkuara dhe Holandë. /Albinfo.ch