Berna forcon sanksionet kundër Bjellorusisë

pixabay

Minsku konsiderohet bashkëpunëtor i Rusisë në luftën në Ukrainë dhe Këshilli Federal ka vendosur të forcojë sanksionet kundër Bjellorusisë, pas hapave që Bashkimi Evropian kishte ndërmarrë tashmë në fillim të këtij muaji, përcjell albinfo.ch.

Ato kanë të bëjnë kryesisht me sanksionet tregtare dhe financiare dhe janë shumë të ngjashme me masat e vendosura tashmë ndaj Rusisë.

Masat që hynë në fuqi të mërkurën përfshijnë ndalimin e eksportit të mallrave me përdorim të dyfishtë (ushtarake dhe civile); importi i mallrave që Zvicra zakonisht blen nga Bjellorusia, si produkte druri dhe gome, hekur, çelik dhe beton; dhe përfundimin e financimit publik dhe asistencës financiare për shkëmbime tregtare ose investime.

Gjithashtu, transaksionet me Bankën Qendrore të Bjellorusisë nuk lejohen më. Këshilli Federal ka publikuar gjithashtu një listë të bankave të përjashtuara nga sistemi ndërkombëtar i mesazheve SWIFT.