Vjena, destinacioni i parë për shumë refugjatë të Ukrainës

3300 deri në 4000 refugjatë nga Ukraina mbërrijnë në Austri çdo ditë.

Që nga fillimi i luftës në Ukrainë më 24 shkurt, rreth 150,000 refugjatë besohet të kenë mbërritur në Austri, përcjell albinfo.ch.

Shumë prej tyre kanë kaluar për t’u bashkuar me familjen dhe miqtë në vende të tjera, por 7,000 njerëz janë regjistruar tashmë në Austri si person i zhvendosur.

Kjo do të thotë se ata mund të kenë akses në tregun e punës, kujdesin shëndetësor dhe sistemin e përfitimeve për një vit.

Ka gjithashtu raporte se 2000 refugjatë nga Moldavia së shpejti do të transportohen me avion në Austri, në bashkëpunim me Komisionerin e Lartë të Kombeve të Bashkuara për Refugjatët (UNHCR) dhe Austrian Airlines, megjithëse kjo nuk është konfirmuar.

Me një fluks kaq të madh njerëzish, tani janë duke u zhvilluar përgatitjet në të gjithë vendin për të mbështetur refugjatët.

Vjena është pika kryesore e mbërritjes për shumë refugjatë ukrainas në Austri dhe një qendër mbërritjeje është ngritur në stadiumin Ernst Happel, ku njerëzit mund të kenë akses në testimin Covid-19, mbështetjen psikologjike dhe shtretërit për natën.

Si rezultat, ka një rrjedhë të qëndrueshme të mbërritjeve në Hauptbahnhof (Stacioni Qendror) i Vjenës dhe ÖBB thotë se zakonisht ka 200 deri në 300 njerëz në vend, megjithëse numri luhatet ndërsa njerëzit lëvizin në qytete ose vende të tjera.

Sipas vlerësimeve të ÖBB, Ministrisë së Brendshme dhe Qytetit të Vjenës, 3300 deri në 4000 refugjatë nga Ukraina mbërrijnë në Austri çdo ditë.

---