Shumë ukrainas kanë marrë statusin S

Keystone

Këshilli Federal vendosi të aktivizojë këtë status special duke filluar nga data 12 mars. Që atëherë, Sekretariati Shtetëror për Migracionin (SEM) ua ka dhënë atë mbi 8 mijë refugjatëve ukrainas, përcjell albinfo.ch.

Deri në 60,000 ukrainas mund të kërkojnë strehim në Zvicër, sipas ministres së Drejtësisë, Karin Keller-Sutter.

Statusi S do të thotë që ukrainasit mund të qëndrojnë një vit në Zvicër pa pasur nevojë të kalojnë procedurën e azilit dhe lejohen të punojnë, si dhe të shkojnë në shkollë, ndërsa janë këtu.

“Një aktivitet fitimprurës është thelbësor për njerëzit në arrati që të jenë në gjendje të marrin pjesë në jetën sociale dhe profesionale dhe të fitojnë pavarësi financiare”, tha Keller-Sutter, duke shtuar se statusi S u jep gjithashtu refugjatëve akses në kurset e gjuhës. /Albinfo.ch