Pas dorëheqjes së Lulzim Bashës, reagon Ambasada Amerikane

SHBA konsideron se një opozitë e fortë që mund të jetë e gatshme për të udhëhequr është thelbësore për demokracinë

Pas dorëheqjes së kreut të PD-së, Lulzim Basha, Ambasada amerikane në Tiranë përmes një reagimi thotë se ky vendin meriton respekt, shkruan Albinfo.ch.

“Vënia e interesave të partisë dhe të vendit mbi ato personale është shenjë e udhëheqësisë së vërtetë. Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian dhe do të ritheksojë parimet dhe idealet demokratike mbi të cilat u themelua”, thuhet mes tjerash në reagim.

Për më tepër, SHBA konsideron se një opozitë e fortë që mund të jetë e gatshme për të udhëhequr, është thelbësore për demokracinë.

“Mbështetja e Shteteve të Bashkuara për demokracinë dhe përkushtimi për të luftuar korrupsionin dhe pandëshkueshmërinë mbeten të pandryshuara”, thuhet në reagim.

---