310 raste të reja me COVID-19 në Maqedoni

KEYSTONE/EPA/GEORGI LICOVSKI

Ministria e Shëndetësisë njofton se në 24 orët e kaluara janë kryer 2.609 teste, ndërsa janë regjistruar 310 raste të reja me COVID-19.

Instituti për Shëndet Publik konfirmon se janë shëruar 284 pacientë nga koronavirusi.

Nga MSH njoftojnë se 24 orët e kaluara është regjistruar 1 viktimë nga koronavirusi në Shkup (77).

Po ashtu në platformën “Termini Im” janë regjistruar edhe 2 viktima nga Bogdanci (87) dhe Koçani (45).

Numri i përgjithshëm i personave të diagnostikuar me COVID-19 në Maqedoni që nga fillimi i epidemisë është 303.728, numri i të shëruarve është 292.628, numri i të vdekurve është 9.187, ndërsa numri i rasteve aktive është 1.913.