Sulmohet në Vjenë kryetarja e klubit të Partisë së Gjelbër

screenshot youtube

Kryetarja e klubit të Partisë së Gjelbër në Austri, Sigrid Maurer, u sulmua fizikisht të enjten në mbrëmje në Vjenë nga një 26-vjeçar austriak i dyshuar si kundërshtar i masave të Austrisë për të luftuar pandeminë Covid-19, njofton albinfo.ch.

Burri fillimisht e sulmoi atë verbalisht dhe më pas e goditi në fytyrë me një gotë, sipas zëdhënësit të shtypit të Maurer. Ajo nuk është lënduar dhe sulmuesi i saj është arrestuar, raporton transmetuesi ORF.

Ich verurteile den feigen Angriff auf die Grüne Klubobfrau @sigi_maurer aufs Schärfste. Gewalt darf nie Mittel der politischen Auseinandersetzung sein. Ich bin froh, dass sie unverletzt ist & danke den Beamtinnen & Beamten für das rasche Eingreifen. Jetzt ist die Justiz am Zug.

— Karl Nehammer (@karlnehammer) April 7, 2022

Kancelari Karl Nehammer shkroi në Twitter se ai dënoi “sulmin frikacak” dhe tha: “dhuna nuk mund dhe nuk duhet të jetë kurrë një mjet në debatin politik,” tha ai.

Kreu i Partisë së Gjelbër dhe Zëvendës Kancelari Werner Kogler shprehu gjithashtu zemërimin e tij, së bashku me kryetarin e bashkisë së Vjenës, Michael Ludwig.