BE alarmon për një krizë globale ushqimore

Bashkimi Evropian ka paralajmëruar se lufta e Rusisë kundër Ukrainës po e çon botën në prag të krizës ushqimore.

Lufta në Ukrainë ka ngritur alarmin e botës Perëndimore rreth një krize të mundshme ushqimi. Ky paralajmërim vjen një ditë pasi Banka Botërore përmes një raporti bëri të ditur se ekonomia e Ukrainës do të tkurret gati për gjysmë këtë vit.

Ndërkohë shefi i diplomacisë evropiane Josep Borrell deklaroi se bombardimet e Rusisë dhe bllokimi i porteve, ka pamundësuar transportimin e grurit duke krijuar valë tronditëse në kohën kur ekonomia globale veçse po përballet me pasojat e pandemisë së koronavirusit.

“Ata po shkaktojnë mungesa. Ata janë duke bombarduar qytetet ukrainase dhe janë duke provokuar uri në botë. Ata janë duke provokuar uri në botën tonë”, tha Borrell para mediave, transmeton Albinfo.ch.

---