Vidhen kriptovaluta në vlerë 620 milionë euro

Sipas Zyrës Federale amerikane të Hetimit (FBI), hakerat e Koresë së Veriut qëndrojnë pas vjedhjes prej 620 milionë dollarëve të kriptomonedhës Ethereum.

Hakerët, të njohur si grupi ”Lazarus”, janë të njëjtët që sulmuan ”Sony Pictures” në vitin 2014.

Ronin, një rrjet blockchain që lejon përdoruesit të transferojnë kriptovaluta, tha se rreth 615 milionë dollarë para dixhitale u vodhën më 23 mars.

Askush nuk e ka fajësuar në mënyrë eksplicite hakerimin, por të enjten, Thesari i SHBA-së identifikoi një adresë të monedhës dixhitale të përdorur nga hakerat, të quajtur shpesh “Lazarus”.

“Shtetet e Bashkuara të Amerikës janë të vetëdijshme se DPRK-ja është mbështetur gjithnjë e më shumë në aktivitete të paligjshme, duke përfshirë krimin kibernetik për të gjeneruar të ardhura për programet e saj të armëve të shkatërrimit në masë dhe raketave balistike, ndërsa kërkon të shmangë sanksionet e forta të SHBA-së dhe OKB-së”, tha një zëdhënës i Thesarit./ansa

---