Macron: Duhen dekada për anëtarësim të Ukrainës në BE

EPA/SEBASTIEN NOGIER

Presidenti francez, Emmanuel Macron, iu ka prerë shpresat autoriteteve ukrainase në lidhje me aplikimin e tyre për anëtarësim me procedurë të përshpejtuar për në Bashkimin Europian.

Kreu i Elizesë bën me dije se ndoshta do të duhen disa dekata që Ukraina të bëhet pjesë e Unionit Europian me të drejta të plota.

Megjithatë, Macron deklaron se Ukraina është tashmë një anëtare e familjes europiane për shkak të luftës dhe guximit të treguar gjatë këtyre ditëve të luftimeve, transmeton Cnn, përcjell Albinfo.ch.

Macron gjithashtu i tha Parlamentit Evropian se shpreson që BE të ecë përpara në pranimin e Ukrainës, ndërkohë që ajo ka plotësuar pyetësorin e dytë si pjesë e procesit të aplikimit në BE.