Vendi europian, ku turizmi po sjell rritje punësimesh

Turizmi mbetet një gjenerues shumë i mirë i vendeve të punës në Spanjë, me 331 500 punëtorë më shumë se në vitin 2021.

Kjo e bën turizmin industrinë më të kërkuar në vend, pasi katër nga dhjetë vende të reja pune – që përfaqësojnë 13 për qind të ekonomisë së përgjithshme kombëtare – gjenden në këtë industri.

Sipas Turespana, Instituti Spanjoll i Turizmit, punësimi në vend ka tejkaluar 2.6 milionë punëtorë në qershor, duke shënuar nivelin e dytë më të lartë në historinë e vendit, raporton SchengenVisaInfo.com, përcjell albinfo.ch.

Sipas filialeve të lidhura me aktivitetet turistike, 2.6 milionë prej tyre u regjistruan vetëm në qershor, që përfaqëson një rritje nga viti në vit prej 14.5 për qind dhe krijimin e 331 555 vendeve të reja pune.

Për më tepër, normat e punësimit janë rritur në të gjitha degët e turizmit, ku industria e hotelerisë ka fituar 238,422 punëtorë – 62,9 për qind ose 149,995 e atyre që janë të angazhuar në shërbime ushqimore dhe pije dhe 88,427 të mbetur në shërbime akomodimi.

Më tej, Ministria e Industrisë, Tregtisë dhe Turizmit të Spanjës zbuloi se numri i të ardhurve ndërkombëtare arriti në rreth 85.5 për qind të niveleve të vitit 2019 vetëm në qershor. Gjithashtu, numri i pasagjerëve ndërkombëtarë është rritur për tre herë krahasuar me ardhjet e regjistruara në të njëjtën kohë të vitit të kaluar.