Kryeministres së Serbisë i jepet leja për ta vizituar Kosovën

Kryeministrja e Serbisë, Ana Brnabiq, të hënën do të vizitojë Republikën e Kosovës.

Ministria e Punëve të Jashtme dhe Diasporës (MPJD) ka konfirmuar se i ka dhënë leje për këtë vizitë, bazuar në marrëveshjen e arritur mes Republikës së Kosovës dhe Serbisë për vizitat e ndërsjella të përfaqësuesve politikë.

“Ministria e Punëve të Jashtme dhe Diasporës në Qeverinë e Republikës së Kosovës i është përgjigjur pozitivisht kërkesës së kryeministres së Serbisë, Ana Brnabiq, që ta vizitojë Kosovën më 5 shtator 2022”.

“Dhënia e lejes për vizitë bazohet në marrëveshjen lidhur me vizitat e ndërsjella të përfaqësuesve politikë mes Republikës së Kosovës dhe Serbisë”, thuhet në përgjigjen e kësaj ministrie.

Brnabiq dhe drejtori i ashtuquajturës Zyre për Kosovën në Qeverinë e Serbisë, Petar Petkoviq, do të qëndrojnë në Mitrovicë, Zveçan dhe Leposaviq, shkruajnë mediat kosovare, përcjell albinfo.ch.