Erdogan, me një miniturne në Ballkan

Presidenti turk, Erdoganka, ka nisur këtë të martë një minitur treditor në Ballkan. Ai ndalet sot në Bosnjë e Hercegovinë, e më pas në Serbi dhe Kroaci.

Vizita sipas zyrtarëve turq synon të nxisë marrëdhëniet ekonomike. Gjatë vizitës së tij Erdogan pritet të riafirmojë angazhimin e Ankarasë për paqe dhe stabilitet në rajon.

Vitet e fundit, rajoni i Ballkanit është bërë një treg tërheqës për investitorët turq. Rajoni shpesh përshkruhet si porta e Turqisë për në BE, falë vendndodhjes gjeografike.

Presidenti i Turqisë, Recep Tayyip Erdogan, ka deklaruar se për krizën energjetike në Evropë fajtorë janë sanksionet e vendosura nga shtetet evropiane ndaj Rusisë për shkak të pushtimit të Ukrainës.

Së fundmi Erdogan ka mbajtur raporte të mira pune me presidentin rus, Vladimir Putin, teksa ka tentuar që të qëndrojë neutral sa i përket konfliktit që ka nisur që prej muajit shkurt.