U përfshinë në rrahje, arrestohen gjashtë persona në Prishtinë

Policia e Kosovës ka arrestuar 6 persona, të cilët u rrahën mes vete në rrugë “Rugova” në Prishtinë.

Të dyshuarit kanë marrë trajtim mjekësor, ndërsa policia në vend të ngjarjes ka gjetur dhe ka sekuestruar një shufër metalike, një skallper, të cilat dyshohet se janë përdorur nga të dyshuarit.

Të gjithë të arrestuarit janë dërguar në mbajtje.

Raporti i plotë i PK-së:

LËNDIM I LEHTË TRUPOR

Rr. Rugova, Prishtinë 01.10.2022 – 13:08. Janë arrestuar gjashtë persona të dyshuar meshkuj kosovarë, të cilët ishin përfshirë në rrahje në mes veti. Si pasojë e rastit, të dyshuarit kanë marrë tretman mjekësor në SHSKUK. Në vendin e ngjarjes njësitë policore kanë gjetur dhe kanë sekuestruar një shufër metalike dhe një skallper, të cilat dyshohet se janë përdorë në rast nga të dyshuarit. Me vendim të prokurorit të gjithë të dyshuarit pas intervistimit janë dërguar në mbajtje.