Mbytjet në ujë, rekord gjatë vitit 2022 në Zvicër

Gjashtëdhjetë njerëz janë mbytur në liqenet dhe lumenjtë e Zvicrës deri më tani këtë vit, duke tejkaluar mesataren vjetore prej 46

Midis janarit dhe 15 shtatorit, 60 njerëz vdiqën në aksidente fatale në ujë, tha Shoqata Zvicerane e Shpëtimit të Jetësve (SSS) më 28 tetor. Kjo krahasohet me 36 mbytje më 2021, përcjell albinfo.ch.

Rreth 80% e viktimave të këtij viti ishin meshkuj. Mbi 60% e mbytjeve kanë ndodhur në liqene dhe pothuajse 40% në lumenj.

“Temperaturat e larta të vazhdueshme këtë vit sigurisht që kanë tërhequr më shumë njerëz në brigjet e liqenit dhe në ujëra, duke rritur gjasat për mbytje,” tha SSS në një deklaratë.

Këtë vit rreth 20 viktima ishin të moshës nga 70 deri në 85 vjeç. Shoqëria tha se ndonëse shkaqet e vdekjes nuk mund të përcaktohen qartë, supozohet se viktimat “nënvlerësuan rreziqet”.

Këtë vit vdekja e Emmeril Mumtadz, djalit të një politikani të lartë indonezian, i cili u mbyt në lumin Aare në Bernë në maj, shkaktoi shqetësim dhe kritika ndërkombëtare kundër notit të lumenjve në Zvicër.

Në vitin 2019, më shumë se 236,000 njerëz u mbytën në mbarë botën, gjë që e bën vdekjen në ujë një nga problemet më të mëdha të shëndetit publik në botë. Mbytja është një nga dhjetë shkaqet kryesore të vdekjes për njerëzit e moshës një deri në 24 vjeç në gjithë globin, përcjell tutje albinfo.ch.

---