Sot Lista Serbe mban tubim, pas largimit nga institucionet e Kosovës

Lista Serbe ka njoftuar se sot do të organizojë tubim në veri të vendit më fillim nga ora 12:00.

Ky tubim vjen pas deklaratave të djeshme ku thanë se janë larguar nga të gjitha institucionet e Kosovës, shkruajnë mediat e vendit, përcjell Albinfo.

“Vëllezër e motra, le të mblidhemi të gjithë nesër në kuvendin e përgjithshëm kombëtar në Mitrovicë në ora 12:00, para përmendores së perandorit Llazar nga do t’i themi Europës dhe botës njëzëri dhe unanimisht se vendi ynë i vetëm është Serbia dhe presidenti Aleksandar Vuçiq! Të tregojmë se sa shumë e duam Serbinë. Flamujt në dritare!!!”, thuhet në njoftim.