Një ndërtesë në Manhattan përfshihet nga zjarri, lëndohen 38 persona

Të paktën 38 persona pësuan lëndime, nga një zjarr që shpërtheu në një rrokaqiell në Manhattan të New Yorkut.

Zjarri shpërtheu në orët e vona të shtunës në katin e 20-të të rrokaqiellit, shkruajnë mediat ndërkombëtare, përcjell Albinfo.ch.

“Janë lënduar 38 persona, dy nga të cilët janë në gjendje kritike e pesë në gjendje shumë të rëndë, derisa të tjerë kanë pësuar lëndime më të lehta”, kanë njoftuar ekipet e zjarrfikësve.

Ata theksojnë se zjarri është shkaktuar nga shpërthimi i baterisë së një biçiklete elektrike.

Madje besojnë se një banor kishte qenë duke rregulluar biçikletën – duke e cilësuar si vepër të kundërligjshme për faktin se rrezikoi jetën e banorëve tjerë dhe nuk e dërgoi te ekipet e profesionalizuara për këtë.

Zjarrfikësit janë filmuar duke shpëtuar një grua, e cila del nga dritarja e apartamentit me ndihëm e litarit që ia ofron zjarrfikësi, raporton BBC, transmeton Albinfo.

https://www.bbc.com/news/av/world-us-canada-63532906