Dy pacientë sulmojnë mjekun në Gjilan, arrestohen të dytë dhe mjeku

Janë arrestuar tre persona pasi sipas policisë, ishin përfshirë në një përleshje fizike në Spitalin e Gjilanit.

Dy të parët e kishin sulmuar një mjek duke i shkaktuar lëndime. Mirëpo edhe vetë mjeku u arrestua kjo pasi sipas policisë i njëjti akuzohet për veprën trajtim i pandërgjegjshëm mjekësor.

Sipa spolicisë pas intervistimit të tre të dyshuarit janë dërguar në mbajtje.

“Janë arrestuar tre të dyshuar meshkuj kosovarë, dy prej tyre pasi që kanë sulmuar fizikisht të dyshuarin e tretë i cili është mjek, të cilit i kanë shkaktuar lëndime. I dyshuari i tretë është arrestuar për shkak të dyshimit se ka kryer veprën trajtim i pandërgjegjshëm mjekësor dhe për shkak të sulmit ka pranuar tretman mjekësor. Me vendim të prokurorit, të dyshuarit pas intervistimit janë dërguar në mbajtje”, bënë të ditur policia.