KQZ pezullon të gjitha aktivitetet për përgatitjen e zgjedhjeve në veri

Komisioni Qendror i Zgjedhjeve ka marrë vendim të dielën në mbledhjen e saj për pezullimin e të gjitha aktiviteteve për përgatitjen e zgjedhjeve në veri të vendit. Ky vendim ka ardhur pas vendimit të presidentes Vjosa Osmani për shtyrjen e zgjedhjeve dhe caktimn e datës së re për mbajtjen e tyre.

Ketë e ka konfirmuar zedhënesi i KQZ-së, Valmir Elezi.

“Mund ta konfirmoj se pas vendimit të Presidentes së Republikës për shtyrjen e zgjedhjeve dhe caktimin e datës së re për mbajtjen e tyre, Komisioni Qendror i Zgjedhjeve ka marrë vendim për pezullimin e të gjitha aktiviteteve të planifikuara më herët për përgatitjen e zgjedhjeve të datës 18 dhe 25 dhjetor”, ka thënë Elezi.

Sipas Elezit, KQZ-ja u dakordua për hartimin e një plani të ri operacional për organizimin e zgjedhjeve në veri.

“Po ashtu, KQZ-ja u dakordua për hartimin e një plani të ri operacional për organizimin e zgjedhjeve, të cilat janë caktuar të mbahen më 23 prill 2023”, tha Elezi.