Studim: Një në tre persona në Zvicër ka përjetuar diskriminim

(KEYSTONE/Laurent Gillieron)

Një e treta e popullsisë së përhershme të Zvicrës ka qenë viktimë e diskriminimit ose dhunës, më shpesh në baza raciste, përcjell albinfo.ch.

Ky është konstatimi i një sondazhi të publikuar të enjten nga Zyra Federale e Statistikave (FSO), në emër të Shërbimit për Luftën kundër Racizmit dhe Sekretariatit Shtetëror për Migracionin.

Në shumicën e rasteve të diskriminimit, viktimat përmendin arsye etno-racore, kryesisht kombësinë (50 për qind), por edhe ngjyrën e lëkurës (19 për qind), fenë (17 për qind) dhe origjinën etnike (15 për qind).

Personat me origjinë migrante janë edhe më të prekur, pasi në këtë pjesë të popullsisë shkalla rritet në 40 për qind.