Gjeneva mund të lejojë burkinën në pishina

Qyteti i Gjenevës po debaton nëse do të lejojë burkinën në pishinat komunale.

Burkina është një kostum noti për gratë që mbulon të gjithë trupin – veçanërisht i popullarizuar te myslimanët, por është gjithashtu edhe tek ata që mund të jenë të ndjeshëm ndaj kancerit të lëkurës.

Rregullat aktuale i ndalojnë ato. Kostumet e notit në Gjenevë nuk mund të jenë poshtë gjurit dhe krahët duhet të jenë të zhveshur.

Arsyeja kryesore është higjiena, pasi kostumet më të vogla do të mbajnë më pak papastërti. Disa argumentojnë gjithashtu se një kostum me trup të plotë e bën notarin më të rëndë – duke rritur rrezikun e mbytjes dhe duke e bërë shpëtimin më të vështirë, shkruajnë mediat zvicerane, përcjell albinfo.ch.

Politikanët e krahut të majtë i hedhin poshtë këto shqetësime dhe thonë se duan që të gjithë të ndihen rehat në Gjenevë.

Këshilli Bashkiak do të votojë sërish të hënën. Nëse kalon, Partia Popullore Zvicerane thotë se do të nisë një referendum në mënyrë që njerëzit të kenë fjalën e fundit.