Dhoma Nacionale kërkon ulje të çmimit të sigurimit shëndetësor

Ajo ka mbështetur kundërpropozimin indirekt ndaj nismës së PS-së për shkarkimin e primeve. Tani topi është te Dhoma e Kantoneve

Ndryshe nga Dhoma e Kantoneve (Senati), Dhoma Nacionale e Parlamentit të Zvicrës nuk dëshiron të shtyjë për një kohë të gjatë zgjerimin e reduktimeve të primeve të sigurimit shëndetësor, transmeton albinfo.ch. Kjo dhomë ka mbështetur kundërpropozimin indirekt ndaj nismës së PS-së për shkarkimin e primeve në fjalë.

Tani topi është kthyer në Dhomën e Kantoneve. Nëse ajo i qëndron vendimit të saj të marrë në dhjetorin e kaluar për të mos u marrë sërish me çështjen, propozimi mbetet jashtë rendit të ditës, shkruan srf.ch.

Më pas nisma do të shkonte në kutinë e votimit, pa pasur nevojë për një kundërpropozim.

Në dritën e rritjes së primeve të sigurimit shëndetësor këtë vit dhe kërcënimit për rritje të mëtejshme, Dhoma Nacionale e konsideron me rëndësi thelbësore përmirësimin e sistemit të uljes së primeve për shpenzimet e sigurimeve shëndetësore.

---