Raport: Importet e armëve në Evropë janë rritur ndjeshëm

EPA/SERGEY KOZLOV

Megjithëse tregu ndërkombëtar i armëve ka pësuar një rënie gjatë dekadës së fundit, importet e armëve në Evropë janë rritur ndjeshëm, kryesisht “për shkak të tensioneve midis Rusisë dhe shumicës së vendeve evropiane”, përcjell albinfo.ch.

Kjo është sipas një raporti të ri të Institutit Ndërkombëtar të Kërkimit të Paqes në Stokholm (SIPRI), i cili tregon një rritje prej 47% të importeve të armëve në Evropë, kur krahasohet periudha 2013-2017 me 2018-2022, pavarësisht se tregu i përgjithshëm ra me 5.1%.

Rritja e kërkesës për armë në territorin evropian është veçanërisht e dukshme që nga pushtimi rus i Ukrainës.

Për tri dekada, Rusia ka qenë qartë eksportuesi i dytë më i madh i armëve pas Shteteve të Bashkuara. Moska ruan pozicionin e saj, por ka parë rënien e pjesës së saj në tregun global në 16% dhe tani ndiqet nga afër nga Franca me një pjesë prej 11%.

Sipas Siemon T. Wezeman, një studiues i lartë në Programin e Transferimit të Armëve të SIPRI, “Pushtimi i Ukrainës ka të ngjarë të kufizojë më tej eksportet e armëve të Rusisë”, e cila “do të ketë përparësi furnizimin e forcave të saj të armatosura, ndërsa porositë nga shtetet e tjera do të mbeten të reduktuara për shkak ndaj sanksioneve” kundër Kremlinit, përcjell tutje albinfo.ch.