Abbott për takimin e Ohrit: Kjo është javë e rëndësishme

Abbott ka thënë se pritet të arrihen hapa të vërtetë për marrëdhënien ndërmjet Kosovës dhe Serbisë.

Ambasadori britanik në Kosovë, Nicholas Abbott, ka thënë se kjo javë është shumë e rëndësishme për Kosovën.

Abbott i ka bërë këto komente duke folur për takimin e kryeministrit Albin Kurti dhe presidentit Aleksandar Vuçiq që do të mbahet me 18 mars në Ohër, raporton Albinfo.ch.

Përmes një statusi në llogarinë e tij në Facebook, Abbott ka thënë se pritet të arrihen hapa të vërtetë për marrëdhënien ndërmjet Kosovës dhe Serbisë.

“Kjo javë është e rëndësishme për Kosovën. Është i arritshëm një hap i vërtetë drejt normalizimit të marrëdhënieve dhe njohjes reciproke ndërmjet Kosovës dhe Serbisë”, ka thënë Abbott.

Sipas tij, marrëveshje do të sjellë disa përfitime praktike dhe disa politike.

“Qeveria dëshiron të arrijë një plan kohor realist të zbatimit dhe mirëpres që disa parti opozitare po ofrojnë mbështetje të dobishme. Tani është koha për të parë një marrëveshjeje dhe zbatimin e saj, një marrëveshje që funksionon për Kosovën. Ne besojmë se po”, shkroi Abbott./Albinfo.ch

---