Borrell: Bashkëpunimi BE-SHBA, i rëndësishëm për Kosovën

(Kenzo Tribouillard, Pool Photo via AP)

Para deputetëve të Parlamentit Evropian, shefi i diplomacisë së BE-së, Josep Borrell, ka thënë që bashkëpunimi i vetë bllokut me Shtetet e Bashkuara të Amerikës është i lartë, veçanërisht kur bëhet fjalë për dialogun Kosovë – Serbi.

Ai u pyet për mundësitë që BE ka për stabilizimin e situatës politike në Mal të Zi, me anë të bashkëpunimit me SHBA-në. Për të, shembull ishte çështja Kosovë – Serbi, raporton Koha.net, përcjell albinfo.ch.

“Ne mund ta bëjmë këtë së bashku me SHBA-në, pse jo. Ne bashkëpunojmë jashtëzakonisht mirë me SHBA-në në dialogun mes Kosovës dhe Serbisë, në mënyrë shumë efikase, ashtu ishte edhe në rastin e Maqedonisë. Këtë mund ta bëjmë edhe në rastin e Malit të Zi, por tani po punohet për koordinim që përfshin luftën kundër dezinformatave. Nuk ka ende ndërmjetësim të përbashkët mes SHBA-së dhe BE-së. Të shfrytëzoj këtë mundësi të përmendi sa i rëndësishëm është ky bashkëpunim në tentim për të zgjidhur problemet mes Kosovës dhe Serbisë”, ka thënë Borrell, raporton Koha.net, përcjell albinfo.ch.