Përfaqësuesit e BE-së përshëndetin Marrëveshjen për normalizim

pixabay

Raportuesja për Kosovën në Parlamentin Evropian, Viola von Cramon, e ka mirëpritur marrëveshjen e arritur në Ohër për normalizim të marrëdhënieve mes Kosovës dhe Serbisë. Ajo ka shkruar se shpreon që e njëjta të implementohet. “Është vërtet lajm i mirë. Po shikoj me padurim të marr më tepër detaje për këtë. Vërtet shpresoj të shoh zbatim të shpejtë”, ka shkruar Von Cramon, përcjell albinfo.ch.

Edhe Komisioneri i BE-së për zgjerim e ka përshëndetur marrëveshjen e arritur në Ohër, Oliver Varhely. “Angazhimi i plotë për normalizimin e marrëdhënieve ndërmjet Beogradit dhe Prishtinës tregon guxim dhe vendosmëri drejt rrugës së tyre në BE. I përgëzoj të gjitha palët. Ne jemi të gatshëm t’i mbështesim të dyja në procesin e zbatimit”, ka shkruar Varhely, përcjell albinfo.ch.