Blinken: Përmbushja e obligimeve, përshpejton rrugën e anëtarësimit në BE

Blinken

Sekretari amerikan i Shtetit, Antony Blinken, përmes një komunikate ka shprehur angazhimin për të mbështetur Kosovën dhe Serbinë në zbatimin e marrëveshjes që u nënshkrua të shtunën në Ohër.

Ai tutje tha se me përmbushjen e obligimeve që dalin nga kjo marrëveshje, Kosovës dhe Serbisë i përshpejtohet rruga e anëtarësimit në Bashkimin Evropian.

“Ne do të vazhdojmë të mbështesim avancimin e stabilitetit dhe prosperitetit në Ballkanin Perëndimor. Falënderojmë BE-në për lehtësimin e bisedimeve dhe Qeverinë e Maqedonisë së Veriut për pritjen e palëve dhe mbështetjen për finalizimin e kësaj marrëveshjeje”, thuhet në komunikatën e Blinkenit, përcjell albinfo.ch.

Kosova dhe Serbia më 18 mars në Ohër arritën dakordimin, pa nënshkrim, për Marrëveshjen dhe aneksin e zbatimit të saj për normalizim të marrëdhënieve.