PDK shkon në Hagë

Kreu i Partisë Demokratike të Kosovës, Memli Krasniqi, bashkë me Uran Ismailin e Abelard Tahirin ndodhen në Hagë.

Siç njofton Krasniqi, ata udhëtuan drejt Hagës për të ndjekur nga afër procesin gjyqësor.

“Krenar për dinjitetin kombëtar që manifeston UÇK-ja, bashkë me Uranin e Abelardin, jam sot në Hagë për të ndjekur nga afër fillimin e procesit gjyqësor ndaj çlirimtarëve tanë. Duke besuar në drejtësi, jemi thellësisht të bindur se edhe në këtë betejë të fundit për të vërtetën e epokës së lavdishme të lirisë sonë, ata do të dalin fitimtarë”, ka shkruar ai, përcjell albinfo.ch.

Diaspora proteston para objektit të Gjykatës Speciale në Hagë duke kërkuar drejtësi për ish-krerët e UÇK-së, që akuzohen për krime lufte dhe krime kundër njerëzimit.

Seanca fillestare ka nisur në orën 09:00, por transmetohet rreth 45 minuta me vonesë për shkak të redaktimit, përcjell albinfo.ch.