EndritSrmx, pjesë e eventit madhështor te CSGO në Paris

Endrit Sermaxhaj, me nofkën “EndritSrmx”, ka njoftuar përmes llogarisë së tij në Instagram që do të marrë pjesë në eventin më të madh të Counter-Strike Global Offensive në botë, CSGO Major, që mbahet në Paris.

I riu shqiptar që jeton në Zvicër do të jetë aty në cilësinë e gazetarit dhe krijuesit të përmbajtjeve, i cili do të sjellë materiale për komunitetin shqiptar të kësaj loje kompjuterike. Endriti është krijuesi i përmbajtjeve (content creator) i parë i trojeve shqipfolëse që do të jetë pjesë e kësaj ngjarje ndërkombëtare të lojërave.

EndritSrmx ka pasur një karrierë të suksesshme si lojtar dhe tani si një streamer. Përmbajtja e tij e shkëlqyeshme për lojën Counter-Strike Global Offensive ka bërë që ai të jetë një personalitet i rëndësishëm në botën e lojërave kompjuterike.

CSGO Major është një nga ngjarjet më të mëdha në botën e lojërave kompjuterike, ku Endriti do të sjellë përmbajtje të reja dhe ekskluzive për komunitetin shqiptar të kësaj loje, shkruan albinfo.ch.