Zvicër: Ushqimi, 20 për qind më shtrenjtë se një vit më parë

Vaji tani kushton 19.9 për qind më shumë se një vit më parë, sheqeri u rrit me 17%, gjalpi me 12.2% dhe qumështi, djathi dhe vezët me 8.5%

Për shkak të inflacionit, çmimet për shumë ushqime bazë janë rritur deri në 20 për qind në krahasim me të njëjtën periudhë të vitit të kaluar, sipas një studimi të publikuar nga platforma konsumatore Comparis të martën, përcjell albinfo.ch.

Pothuajse të gjitha ushqimet kanë parë rritje të konsiderueshme të çmimeve të tyre, raporton Comparis.

Për shembull, margarina dhe vaji tani kushtojnë 19.9 për qind më shumë se një vit më parë, sheqeri u rrit me 17 për qind, gjalpi me 12.2 për qind dhe qumështi, djathi dhe vezët me 8.5 për qind.

Për më tepër, buka, mielli, drithërat, frutat dhe perimet tani janë 7 deri në 9 për qind më të shtrenjta.

Megjithatë, në krahasim ndërkombëtar, Zvicra po ecën relativisht mirë, pasi norma e saj e inflacionit është shumë më e ulët se ajo e BE-së.

 

 

 

 

---