Kurti: Në Bruksel prioritet do të jenë të pagjeturit

Zyra e kryeministrit

Kosova pret që referenca në deklaratë të jenë të “zhdukurit me forcë”, ndërsa pala serbe është shprehur se nuk do ta pranojë këtë formulim.

 “Në Kosovë kemi ende 1617 persona të zhdukur. Ata janë rrëmbyer dhe ende nuk dihet fati i tyre. Gjatë dekadave të fundit në Serbi janë zbuluar pesë varreza të mëdha masive dhe prej tyre janë zhvarrosur 950 shqiptarë, veçanërisht në Batajnicë. Dy varret janë liqene në të cilat trupat e shqiptarëve janë zhytur në magazina frigoriferike, por më vonë kanë dalë në sipërfaqe. Prandaj na duhet një deklaratë e përbashkët si pikënisje për një takim të nivelit të lartë”, ka thënë Kurti.

Palët kanë kundërshtime dhe qëndrimeve diametralisht të kundërta. Megjithatë, Lajcak edhe kështu e sheh si mjaft me rëndësi faktin që takimi në vetvete të mbajë në axhendë fillimin e procesit të bashkësisë së komunave me shumicë serbe.