Kërkesë për hetimin e masakrës në Burgun e Dubravës

FB: Enver Dugolli

Enver Dugolli, deputet i Lëvizjes Vetëvendosje dhe i mbijetuar i masakrës në burgun e Dubravës ka bërë një kërkesë publike për hetimin e ngjarjeve nga Gjykata Speciale.

Të shtunën ai njoftoi se i është drejtuar Dhomave të Specializuara me një kërkesë për fillimin e hetimeve.

“Nëse Gjykata Speciale nuk është një etnike, atëherë nuk ka arsye që të mos kryhen hetimet për këtë krim”, ka thënë ai, përcjellë albinfo.ch.

Deputeti i VV-së se pretendon se ka dëshmi për t’u ngritur aktakuza në lidhje me këtë masakër dhe se kërkesa e tij është ndaj prokurorit special të Gjykatës Speciale. “Kërkesa ime është ndaj prokurorit special të Gjykatës Speciale që të nisë hetime sepse kam dëshmi të mjaftueshme për t’u zhvilluar hetimet dhe për t’u ngritur aktakuza në lidhje edhe me këtë masakër”, ka sqaruar Dugolli.

Tashmë sipas tij, varet nga prokurori nëse do të nisë ose jo hetimet. “Faktet janë se në atë masakër janë ekzekutuar 116 të burgosur dhe një i zhdukur sikurse Ukshin Hoti. Janë dëshmitarët që ende janë gjallë dhe plagët e tyre flasin vet. Madje këta dëshmitarë nuk kanë nevojë as për mbrojtje të identitetit”, përcjellë albinfo.ch.

Masakra e Burgut të Dubravës është kryer prej 19 deri më 24 maj të vitit 1999. Brenda këtij burgu janë vrarë 160 të burgosur shqiptarë dhe janë plagosur më shumë se 300 të tjerë.