Arrestohen dy persona, saldonin derën e objektit të komunës së Zveçanit

@albinfo.ch

Dy persona janë arrestuar në komunën e Zveçanit, pasi u kapën rreth mesnatës derisa po saldonin hekura në objektin e komunës, përcjellë albinfo.ch.

Zëdhënësi i Policisë për rajonin e veriut, Veton Elshani, ka njoftuar se kanë sekuestruar edhe një veturë.

“Rreth orës 1 në mëngjes patrullat policore kanë has në dy persona duke punuar në dyert e ndërtesës së komunës së Zveçanit. Për arsye të prishjes se rendit dhe qetësisë publike dhe me qëllim që të kuptohet se çfarë po bëjnë aty, këta dy persona janë sjellë në stacion dhe janë intervistuar. Të njëjtit janë liruar pas intervistimit”, ka thënë ai për Koha.net.

Ditë më parë strukturat paralele ilegale kanë rrethuar hyrjen kryesore në objektin e Komunës në Zubin Potok, duke vendosur rrethoja prej hekuri, përcjellë albinfo.ch.