Kur do të hapet ura mbi lumin Ibër?

Ministri Elbert Krasniqi ka thënë se vendimi është duke u trajtuar nga ministria e tij.

Urat janë ato që i bashkojnë vendet, por kështu nuk ndodhë me urën mbi lumin Ibër në Mitrovicë. Tash e gati një çerekshekulli, kjo urë e ka ndarë përgjysmë Mitrovicën. Ura është e bllokuar pët qarkullimin e automjeteve.

Për mundësinë e hapjes së saj, ka folur sot ministri i Administrimit të Pushtetit Lokal, Elbert Krasniqi, raporton Albinfo.ch.

Në një paraqitje para gazetarëve, ministri Krasniqi ka thënë se vendimi është duke u trajtuar nga ministria e tij.

“Vendimi është marrë në Kuvendin e Komunës së Mitrovicës së Veriut, është aktualisht në ministrinë tonë në trajtim e sipër kurdo që përfundon vlerësimi i ligjshmërisë se aktit dhe do ta dërgojmë në instancat tjera”, u shpreh ministri Krasniqi.

Ai i bëri këto komente pas përfundimit të takimit mes përfaqësuesve të qeverisë dhe Asociacionit të Komunave të Kosovës./Albinfo.ch/

 

---