Valë e nxehtë në Zvicër, fundjava mbi 20 gradë Celsius

Në Gjermani pritet që temperaturat të arrijnë deri në 30 gradë

Roger Perret nga Meteo News ka një lajm të mirë: “Po bëhet shumë më ngrohtë”. Për fundjavë mund të presim temperatura mbi 20 gradë, përcjell albinfo.ch.

Në Gjermani e shtuna do të jetë e ngrohtë vere me temperatura rreth 25 gradë. Në veri, temperaturat do të ngjiten deri në 30 gradë gjatë javës së ardhshme.

Në Zvicër nuk do të jetë aq ngrohtë sa në vendin fqinj, Gjermani, ku fundjava pritet deri në 30 gradë, por dielli do të shkëlqejë edhe në Zvicër me temperaturë 20 gradë. Pothuajse e gjitha Zvicra do të jetë me mot të mirë në dy ditët e vikendit.

Në rajonin e Alpeve, megjithatë, ka ende një rrezik të shtuar për reshje shiu, si dhe rrezik për stuhi të dielën.

 

---