Mungesë në furnizimin e lëngut të portokallit

Ilustrim, Pixabay

Organizata ndërprofesionale franceze e lëngjeve të frutave ka paralajmëruar mungesë globale të koncentrateve të lëngut të portokallit, për shkak të ndryshimeve klimatike.

Në Zvicër, distributorët kryesorë duan të ruajnë qetësinë për furnizimin e tyre.

Vagaritë e motit, me thatësirën në Meksikë, mungesën e ujit në Spanjë dhe uraganin Ian që goditi Florida në shtator 2022, kanë ndikuar në prodhim, shkruan RTS.

Brazili e gjeti veten nën presion si rezultat. Vendi, furnizuesi kryesor në botë i lëngut të portokallit, ka vendosur kuota shpërndarjeje gjë që shqetëson federatën profesionale franceze.

Prodhuesit dhe distributorët kryesorë të kontaktuar nga RTS konfirmojnë një situatë të tensionuar, ndërsa hedhin poshtë, për momentin, rrezikun e mungesës. Kështu, Coop specifikon me shkrim se disponueshmëria e lëngut të portokallit sigurohet aktualisht me cilësinë e zakonshme, përcjellë albinfo.ch.

Tristan Cerf, zëdhënës i Migros, këmbëngul në pasigurinë e evolucionit të “elementeve meteorologjike” dhe ndikimin e tyre. Megjithatë, ai siguron se “nuk ka shqetësime për furnizimin në raft”.

Nga ana e prodhuesve, Rivella beson se do të arrijë të marrë sasitë e nevojshme falë furnitorëve të saj, të cilët punojnë në bashkëpunim të ngushtë me kooperativat e Amerikës së Jugut. Nga ana tjetër, Lucerne Ramseier ka frikë nga një vëllim i ulët i të korrave në dispozicion, gjë që mund të shkaktojë rritje të çmimeve, përcjellë albinfo.ch.