Kompanitë nga Kosova promovojnë produktet në Holandë

Kosovo Investment and Enterprise Support Agency - KIESA

Kompanitë nga Kosova kanë promovuar produktet e tyre në Holandë. Katër kompani nga Kosova: CAMEL, Hit-Flores, Fluidi Group L.L.C dhe Egi Group, janë prezentë në panairin PLMA 2023 “World of Private Label”, që po mbahet në Qendrën e Ekspozitës RAI në Amsterdam të Holandës, më 23 dhe 24 maj.

Hapësirën ekspozuese e ka siguruar Ministria e Industrisë, Ndërmarrësisë dhe Tregtisë (MINT), përkatësisht Agjencia për Investime dhe Përkrahjen e Ndërmarrjeve në Kosovë (KIESA), përcjell albinfo.ch.

“Në këtë panair ekspozohen ushqime të freskëta, të ngrira, të thata, pije, si dhe kategori joushqimore, duke përfshirë kozmetikë, kopshtari, orendi shtëpiake etj. Standi i Kosovës në këtë panair është me numër N48 dhe gjendet në Halle 7”, njofton MINT.

Në panair po shpërndahen edhe materiale promovuese të KIESA-s rreth sektorëve potencialë dhe mundësive për investime në Kosovë.