Gjatë sezonit të verës, biletat me çmime “tavan” në Zvicër

Arsyet dhe shkaqet janë të shumta sipas kompanive ajrore

Grevat në aeroporte të ndryshme anembanë Evropës, si dhe mungesa e stafit, së bashku me çmimet më të larta të karburantit dhe rritjen e kërkesës për udhëtime pas Covid-it, po i shtyjnë linjat ajrore të rrisin tarifat e tyre – përfshirë fluturimet për dhe nga Zvicra, përcjell albinfo.ch.

“Linjat ajrore janë përballur me probleme gjeopolitike,” i tha gazetës SonntagsBlick të dielën Dirk Renkert, ekspert financiar në platformën e konsumatorit Comparis. “Kjo çon në rritje të konsiderueshme të çmimeve.”

Kjo do të thotë se për njerëzit që planifikojnë të fluturojnë jashtë vendit, pushimet verore do të jenë “dukshëm më të shtrenjta” dhe nuk ka lehtësim në horizont në të ardhmen e parashikueshme.

Prandaj, është e këshillueshme që të blini bileta sa më shpejt që të jetë e mundur në vend që të prisni deri në minutën e fundit duke shpresuar se çmimet do të bien.

 

---