Konsumatorët zviceranë preferojnë produkte me burime vendase

Zviceranët e konsiderojnë të rëndësishme të dinë se nga vjen ushqimi që konsumojnë, përcjell albinfo.ch.

Ky është konstatimi i një studimi të kryer nga Zyra Federale për Bujqësi dhe i publikuar të enjten.

Nëntëdhjetë për qind e të anketuarve thanë se favorizojnë produktet zvicerane mbi importet kurdoherë që është e mundur – edhe pse sondazhi tregon gjithashtu se çmimi peshon më shumë në vendimet e blerjes sesa dy vjet më parë.

“Megjithatë, vlerësimi i besimit të bujqësisë zvicerane mbetet po aq i fortë sa kurrë”, tha qeveria në një deklaratë për shtyp.

Konsumatorët i kushtojnë vëmendje të veçantë origjinës së vezëve, qumështit dhe produkteve të qumështit të freskët.

Ata përmendin kanalet e shkurtra (domethënë lokale) të shpërndarjes si arsyen kryesore për blerjen e produkteve të prodhimit zviceran.

Më shumë se gjysma e të anketuarve besojnë se blerjet dhe zakonet e tyre të konsumit kanë një ndikim pozitiv në mjedis, si dhe në ekonominë rajonale.