Lista Serbe me kërkesa për largimin e protestuesve

Kryetari i Listës Serbe, Goran Rakiq, ka dy kërkesa për përfaqësuesit e KFOR-it dhe ambasadoret e huaj.

“Kërkesat tona janë që sherifët – siç e quajnë veten – të paligjshëm, të shkojnë në shtëpitë e tyre dhe t’i udhëheqin të afërmit e tyre. Dhe, të gjitha njësitë speciale në ndërtesën e komunës, përreth komunës, të tërhiqen në jug, sepse ky nuk është stacion policie, është bashki e qytetit”, tha ai, raportojnë mediat në Prishtinë.

Sic raporton gazetaexpress nënkryetari i Listës Serbe, Igor Simiq, tha se ata do të qëndrojnë deri në plotësimin e kërkesave para komunave më veri.

“Ne nuk do të largohemi derisa ata të tërhiqen. Presim që KFOR-i të qëndrojë neutral ndaj statusit, të mos ofrojë mbrojtje për njësitë e paligjshme parapolicore, të ruajë paqen sepse ne jemi të interesuar për paqe. Qytetarët erdhën këtu për të mbrojtur paqen dhe familjet e tyre”, tha ai, përcjellë abinfo.ch.