Protesta në Serbi, Vuçiq ik

Mijëra njerëz kanë protestuar të shtunën për herë të pestë pas dy vrasjeve në masë.

Turma, duke brohoritur parulla kundër presidentit Aleksandër Vuçiç, parakaloi rrugëve të Beogradit, për t’u mbledhur para selisë së tij në qendër të qytetit.

Ata lëshuan një tullumbace të madhe me mbishkrimin “Vuçiç ik”. Studentët e universitetit udhëhoqën parakalimin, duke mbajtur një pankartë ku shkruhej “Serbia kundër dhunës!”, shkruan DW.

Protestuesit e opozitës kërkojnë dorëheqjen e zyrtarëve të lartë të qeverisë dhe heqjen e licencave të transmetimit për rrjetet televizive të cilat promovojnë dhunën dhe lavdërojnë figurat e krimit.

Pati raportime për mbështetës të ultranacionalistëve që sulmuan një gazetar të huaj me shkop. Disa nga sulmuesit kishin bluza me mbishkrimin rus Z, një simbol i agresionit rus në Ukrainë, përcjell albinfo.ch.

Pjesëmarrësit ndezën telefonat e tyre duke i mbajtur lart teksa kërkonin dorëheqjen e presidentit Vuçiç.

Një protestë tjetër është planifikuar për javën e ardhshme, në atë që po bëhet një sfidë gjithnjë e më serioze për Vuçiçin, ndoshta më e madhja me të cilën ai është përballur që nga ardhja në pushtet 11 vjet më parë, shkruan DW.